Christenskap is 'n avontuur!

Ons werk baie hard daaraan om ons jongmense die geleentheid te gee om op 'n opwindende manier d.m.v. 'n groot aantal aktiwiteite te leer wat dit is om in vandag se wêreld 'n christen te wees.

Die Jeuggroep word vanaf 2009 deur twee entoesiastiese jongmense, Paul en Elrien Theron, ’n broer en suster, behartig.

Elrien is vir die Junior jeug (tot Graad 6) en Paul vir die Senior jeug verantwoordelik, wat die belydende jongmense insluit. Die Junior jeug word die “Maksi-Mini Aksie” (MMA) genoem en kom op Sondagaande tydens die erediens om 18:00 bymekaar terwyl die Senior jeug na die erediens om 19:00 vergader.

Die Jeugbediening beplan heelwat inisiatiewe vir die komende jaar bo-en-behalwe die normale weeklikse byeenkomste. Die Jeugkamp by Klein Kariba in Augustus 2009 beloof om ’n hoogtepunt in die jaar vir die Senior jeug te wees. ’n Interessante tema waarby die jongmense aanklank kan vind is reeds geïdentifiseer en word heelwat geleentheid vir lofprysing, Bybelstudie, aanbidding en berading beplan.

Wat die Junior jeug betref, word ’n daguitstappie na die Dieretuin beplan. ’n Jeugweek in Julie word gereël. Hier word nie slegs gemeente-kinders betrek nie maar word die gemeenskap ook uitgenooi om hulle kinders hieraan deel te laat neem. Daar word elke dag gesing en uit die Bybel gelees en ander aktiwiteite aangebied om hulle besig te hou.

Lees die verhaal van Jesus

in strokiesverhaal vorm.

Klik op die prentjie hieronder om die boek: He lived among us oop te maak.

Nuut!

Bybelstories

Oom Arie de Ridder is besig om die

Bybelverhale in Potloodsketse en met waterverf uit te beeld.

Strokieverhale

Klik hier vir meer inligting!